நீங்கள் தேடியது "கள்ளக்காதல் தகராறு"

உத்தமபாளையம்:

தேனி மாவட்டம் தேவாரம் அமராவதி நகரைச் சேர்ந்த தங்கவேல் மனைவி சரணமணி (வயது 40). இவர்களுக்கு 2 மகன்கள் உள்ளனர். கணவன்-மனைவியிடையே கருத்து வேறுபாடு ஏற்படவே இருவரும் கடந்த சில மாதங்களாக பிரிந்து வாழ்ந்து வருகின்றனர்.

தங்கவேல் தனது மகன்களுடன் தனியாக வசித்து வருகிறார். சரணமணி கேரள மாநிலத்தில் உள்ள ஏலக்காய் தோட்டத்துக்கு வேலைக்கு சென்று வந்தார். கடந்த 2 நாட்களாக சரணமணியை காணவில்லை என அவரது தங்கை கார்த்திகா செல்வி தேவாரம் போலீஸ் நிலையத்தில் புகார் அளித்தார்.

போலீசார் வழக்கு பதிவு செய்து அவரை தேடி வந்தனர். நேற்று பூட்டி இருந்த அவரது வீட்டுக்குள் இருந்து துர்நாற்றம் வீசவே போலீசார் வீட்டின் கதவை உடைத்து உள்ளே சென்று பார்த்தனர்.

அப்போது வீட்டுக்குள் உடல் அழுகிய நிலையில் சரணமணி இறந்து கிடந்தார். அவரது உடலில் பல்வேறு பாகங்களில் காயங்கள் இருந்ததால் அவர் கொலை செய்யப்பட்டு இருக்கலாம் என்ற கோணத்தில் விசாரணை நடத்தினர்.

போலீசார் விசாரணையில் சரணமணி ஏலக்காய் தோட்டத்துக்கு திடீர் நகரைச் சேர்ந்த ஆண்டிச்சாமி (35) என்பவரது ஜீப்பில் சென்று வந்துள்ளார். அப்போது அவர்களுக்குள் பழக்கம் ஏற்பட்டு அது கள்ளக்காதலாக மாறியது. ஆண்டிச்சாமி அடிக்கடி அவரது வீட்டுக்கு வந்து சென்றுள்ளார். சம்பவத்தன்று வீட்டுக்கு வந்த போது அவர்களுக்குள் ஏற்பட்ட தகராறில் சரணமணியை அடித்து கொன்று விட்டு வீட்டை பூட்டி விட்டு சென்றது தெரிய வந்தது. இதனையடுத்து போலீசார் ஆண்டிச்சாமியை கைது செய்து விசாரணை நடத்தி வருகின்றனர்.

திருநின்றவூர்:

திருமுல்லைவாயல் நியூ அண்ணாநகரை சேர்ந்தவர் ராம்பாபு. இவரது மகன் சிரஞ்சீவி (வயது 28), பெயிண்டர். நேற்று மாலை வேலைக்கு சென்ற அவர் திரும்பி வரவில்லை. அவரை பெற்றோர் தேடி வந்தனர். இந்த நிலையில் அதே பகுதி நேரு நகரில் சிரஞ்சீவி கொலை செய்யப்பட்டு கிடந்தார். அவரது தலை, கழுத்தில் பலத்த வெட்டுக் காயங்கள் இருந்தது.

இதனை கண்டு அதிர்ச்சி அடைந்த அப்பகுதி மக்கள் திருமுல்லைவாயல் போலீசுக்கு தகவல் தெரிவித்தனர். போலீசார் சிரஞ்சீவியின் உடலை கைப்பற்றி தீவிர விசாரணை நடத்தினர்.

இதில் கள்ளக்காதல் தகராறில் அவர் கொலை செய்யப்பட்டு இருப்பது தெரிந்தது.

சிரஞ்சீவிக்கும் அம்பத்தூரை அடுத்த கள்ளிக்குப்பத்தில் கணவருடன் வசிக்கும் ஜெயலட்சுமிக்கும் கள்ளக்காதல் இருந்தது. திருமணத்துக்கு முன்பே ஜெயலட்சுமியும் சிரஞ்சீவியும் காதலித்து வந்தனர்.

இதையடுத்து திருமணம் ஆன பின்பும் ஜெயலட்சுமி அவருடன் காதலை தொடர்ந்தார். இதனை அறிந்த ஜெயலட்சுமியின் கணவர் ஜானகிராமன் கண்டித்தார்.

இதனால் கணவன்- மனைவி இடையே அடிக்கடி தகராறு ஏற்பட்டு உள்ளது. கடந்த 2 மாதத்துக்கு முன்பு ஜெயலட்சுமி கணவருடன் வாழ முடியாது என்று கூறி ஆவடி மகளிர் காவல்நிலையத்தில் புகார் மனு அளித்தார்.

மேலும் அம்பத்தூரில் உள்ள மகளிர் விடுதியில் தனியாக தங்கி இருந்தார். அவரை போலீசார் சமாதானப்படுத்தி கணவருடன் அனுப்பி வைத்திருந்தனர். இந்த நிலையில் சிரஞ்சீவி கொலை செய்யப்பட்டுள்ளார். எனவே கள்ளக்காதல் விவகாரத்தில் இந்த கொலை நடந்து இருக்கலாம் என்று போலீசார் விசாரணையை தொடங்கி உள்ளனர்.

இது தொடர்பாக ஜானகிராமனை போலீசார் பிடித்துள்ளனர். அவரிடம் தீவிர விசாரணை நடந்து வருகிறது.

விசாரணைக்கு பின்னரே சிரஞ்சீவி கொலைக்கான காரணம் என்ன? கொலையாளிகள் யார்? கூலிப்படையை ஏவி தீர்த்துக் கட்டப்பட்டாரா? என்ற விவரம் தெரியவரும்.

கள்ளக்காதல் தகராறில் வாலிபர் கொலை செய்யப்பட்ட சம்பவம் திருமுல்லைவாயல் பகுதியில் பரபரப்பை ஏற்படுத்தி உள்ளது.